Gjithnjë e më shumë vihet re një trend në rritje për interesimin e njerëzve ndaj shkencave mistike dhe spirituale. Në këtë fushë bën pjesë edhe astrologjia ose siç njihet rëndomtë me termin “Hoskopi”, shkruan OnAir.
Arsyet se përse kjo po ndodh janë të ndryshme. Një ndër to mund të përmendet edhe fakti që tashmë në duart tona kemi një larmishmëri informacioni që vjen duke u rritur ditë pas dite. Të gjithë ne jemi të etur për të ditur sa më shumë, jo vetëm rreth botës, por edhe rreth vetes tonë. Këtu vjen në ndihmë astrologjia.
Në këtë insert të përgatitur nga “ATV” pikërisht rreth kësaj teme kemi mundësinë të njihemi me Irene Bornica, e cila është një astrologe. Ndryshe nga imazhi tradicional që është krijuar në mendjen e shumë njerëzve, Irene nuk është aspak ashtu siç mund të jemi ne mësuar që të jetë një astrologe. Ajo është një vajzë në një moshë mjaft të re e cila ka filluar të studiojë fushën e astrologjisë që në moshë të vogël. Irene tregon se ajo nuk është e vetmja e këtij grup moshe që ka një interes të lartë rreth kësaj teme. Sipas saj kjo vjen sepse gjeneratat e reja sa vijnë e bëhen më spiritualiste dhe nuk i shohin më gjërat në mënyrë aq sipërfaqësore.
Më tej ajo vazhdon dhe shpjegon disa gjëra më në detaje rreth shenjave dhe karakteristikave të tyre.
