Barcelona po shpreson që të nënshkruajë me mesfushorin e Paris Saint-Germain, Adrien Rabiot, para mbylljes së afatit kalimtar të gushtit për 50 milionë euro.

23-vjeçari që nuk ishte pjesë e Kampionatit Botëror me Francën është në fund të kontratës me klubin dhe verën e ardhshme mund të largohet si lojtar i lirë.

Drejtori teknik i Barcelonës, Eric Abidal, është takuar me nënën e lojtarit për të diskutuar për një marrëveshje të mundshme.

Madje El Mundo Deportivo ka edhe imazhe të takimit.

Edhe Sport kishte sugjeruar për një marrëveshje brenda këtij afati kalimtar.

Deri tani Barcelona ka nënshkruar me Arthur Melon dhe Arturo Vidalin, ndërsa janë larguar Andres Iniesta dhe Paulinho.