Ambasadorja e Finlandës në Kosovë, Pia Stjernvall, është shprehur optimiste se së shpejti Kosova do të ketë liberalizimin e vizave. Por thekson se ka shumë për të bërë sa i përket korrupsionit.

Sipas saj, fokusi i Qeverisë së Kosovës duhet të jetë në përmbushjen e këtij kriteri të fundit që vendi duhet të plotësojë, që jo vetëm përmbush obligimet në procesin e integrimit evropian, por sjellë shumë të mira për shoqërinë kosovare, me theks të veçantë për të rinjtë.