Select Page
Të dielën zgjedhjet në Maqedoninë e Veriut, shqiptarët tregojnë pritjet e tyre

Të dielën zgjedhjet në Maqedoninë e Veriut, shqiptarët tregojnë pritjet e tyre

Të dielën në Maqedoninë e Veriut mbahen zgjedhjet për president. Atje po mbizotëron një atmosferë e qetë, ndonëse pritet të jetë një garë jo e lehtë.

Shqiptarët atje, vlerësojnë se mungesa e unifikimit të tyre përbën fatkeqësinë më të madhe për ta.

Në mars të këtij viti shqiptarët e Tuzit dhanë shembullin se të bashkuar mund të fitojnë, por e njëjta nuk po ndodh në Maqedoninë e Veriut. Blerim Reka, kandidati i parë shqiptar për president të këtij vendi, nuk po gëzon mbështetjen e të gjitha subjekteve politike shqiptare.

Kështu, BDI-ja po mbështet kandidatin e LSDM-së, Stevo Pendarovskin. Kjo ka bërë që të lëkundet entuziazmi brenda elektoratit shqiptar në Maqedoni.

Megjithëkëtë, kandidati i pavarur  Blerim Reka tregohet optimist kur pyetet nëse do të ketë edhe votat e votuesve të BDI-së, ndonëse thekson se  kjo parti është kundër unifikimit të votës shqiptare./OnAir

Enca: Duke bërë ‘twerk’ e mbani doktorin larg për një vit

Enca: Duke bërë ‘twerk’ e mbani doktorin larg për një vit

Enca Haxhia nuk është vetëm një nga këngëtaret më të pëlqyera, ndër personazhet më të ndjekur në Instagram por gjithashtu edhe ndër më të komentuarat.

Ajo është shumë aktive si në publikimin e këngëve të reja të cilat bëjnë gjithmonë bujë, por edhe me koncerte të ndryshme në Shqipëri dhe jo vetëm.Ditën e sotme ajo e ka nisur ditën me disa këshilla për fansat dhe ndjekësit e saj.

Enca ka publikuar disa foto ku shihet duke kërcyer twerk ndërkohë që përmbi to ka shkruar se ky kërcim është i duhuri për të mbajtur veten në formë dhe larg doktorit.

 

Vdes vajza 11 vjeçare pas një alergjie nga pasta e dhëmbëve

Vdes vajza 11 vjeçare pas një alergjie nga pasta e dhëmbëve

Denise Saldate nga West Covina, California u diagnostikua me një alergji të qumështit në moshën 1 vjeçare.

Ajo përdori pastë dhëmbësh  për të ndihmuar në forcimin ë smaltit të dhëmbëve.

Atë mbrëmje ajo ra në shok anafilaktik. Prindërit zbuluan se pasta e dhëmbëve kishte Recaldent, protein që rrjedh nga qumështi. Denise ishte në spital për dy ditë para se të vdiste.

 

Parashikimi i motit për sot!

Parashikimi i motit për sot!

Pas gjithë atyre reshjeve të cilat kishin përfshirë pjesën dërmuese të vendit, situata meteorologjike vije drejtë stabilizimit. Kjo për arsye të depërtimit të masave ajrore me presion të lartë mbi vendin tonë, të cilat do të mbesin të qëndrueshme deri në fundjavë.

Instituti Hidrometeorologjik i Kosovës njofton se temperaturat maksimale bashkë me ato minimale dita-ditës do të shënojnë ngritje të lehta. Minimalet parashihen të lëvizin ndërmjet 3-5 gradë celsius, ndërsa maksimalet e ditës parashihen të lëvizin ndërmjet 16-19 gradë celsius.

Nëna e dëshmorit, porosi për Haradinajn dhe Ahmetin

Nëna e dëshmorit, porosi për Haradinajn dhe Ahmetin

Në Ditën e Dëshmorëve familjarët  po shprehen të pakënaqur me trajtimin që po u bëhet varrezave nga institucionet.

Hyra Dini, nëna e dëshmorit, Rrahman Dini, gjatë homazheve të kryeministrit dhe kryetarit të Prishtinës, i ka kritikuar këta të fundit, duke iu thënë se premtimet e tyre kanë mbetur vetëm në letër.

“Amanet këta ki me e rregulluar, se vet ke premtuar që e ndreqi ose po e rregullojmë vet. Marre disa me i rregullu disa jo inshalla i ndreqni, inshalla nuk harroni, e mos rrokni 100 tjera telashe, rregulloni një herë këto”, tha ajo./OnAir

Zvogëlohet numri i nxënësve, i mësimdhënësve rritet 

Zvogëlohet numri i nxënësve, i mësimdhënësve rritet 

Sipas disa të dhënave kohëve të fundit numri i nxënësve në arsimin parauniversitar është zvogëluar për 20%, ndërkaq numri i mësimdhënësve është rritur për 8%.

Migrimi është një ndër faktorët kyç që në Kosovë vetëm në dekadën e fundit, është zvogëluar numri i nxënësve për 20%. Poashtu  një problem tjetër të numrit të madh të punsimeve në dispropocion me nxënsëve është edhe për shkak të punësimeve politike.

Kështu ka thënë njohësi i arsimit, Dukagjin Pupovci në një deklaratë për  Dukagjinin, shkruan OnAir.

Kurse, Rinor Qehaja poashtu njohës i arsimit në Kosovë,  thotë se punësimet e radhës, por edhe infrastruktura, në sektorin e arsimit duhet të bëhen në bazë të popullsisë.

Sipas statistikave të publikuara nga Ministria e Arsimit, për vitin 2018/19 në sistemin parauniversitar, janë mbi 356 mijë nxënës, që prej tyre 52% bëjnë pjesë nëpër Gjimnaze.

Ndërkaq, raportet nxënës për mësimdhënës, në bazë të këtyre statistikave, në nivelin fillor del të jetë 14 me 3 kurse në atë të mesëm 15 me 4./OnAir