Vezët mund të jenë një zgjedhje shumë e mirë për një mëngjes të ushqyeshëm. Por ka njerëz e sidomos fëmijë, që nuk preferojnë të hanë vezë apo që janë alergjikë ndaj tyre.
Më poshtë po ju sjellim disa sugjerime se çfarë mund të hani në mëngjes, receta që fëmijët do t’i dashurojnë e që natyrisht nuk kanë vezë në përbërjen e tyre.
Kuleçë të mbushur
Kuleçët shpesh mund të jenë të thatë dhe të rëndë, por askush nuk do t’iu akuzojë ndonjëherë se këta kuleçë të lehtë të mbushur me shije molle janë të tillë. Të butë (përdorni qumësht nga qumështi juaj i preferuar me origjinë joshtazore), mbushja është aromatike dhe e shijshme dhe kremi sipër është i ëmbël vetëm aq sa është e nevojshme për t’iu ndjellë. Një mënyrë e përsosur për të filluar mëngjesin.
Parfe me fruta dhe kos
Një mundësi e mirë për mëngjes që nuk ka vezën si përbërës është parfeja me kos dhe fruta, një recetë shumë e këndshme për fëmijët e të gjithë moshave, sepse ju mund ta përshtasni sipas shijes së gjithsecilit. Një alternativë është ta përgatisni me kos, tërshërë, fara çia dhe manaferra.
Mini petulla me çokollatë
Këto mini petulla në formë gjevreku shijojnë pak a shumë si një kifle e vërtetë dhe në qoftë se ju dëshironi t’i lehtësoni pak, mos i lyeni dhe thjesht pluhurosini me sheqer pluhur.
Tofu
Ndërsa zarzavatet nuk mund të jenë gjëja e parë që fëmijët e vegjël duan të hanë për mëngjes (ose ndoshta ndonjëherë), ky ushqim shijon tepër. Gjiza e bërë nga pureja e sojës, e përdorur kryesisht në gatimet aziatike dhe vegjetariane shoqërohet me perime, por nëse fëmiëjt tuaj nuk i pëlqejnë këto të fundit, shtoni përshembull pak djathë të shkrirë.
Tostë shtëpie me kanellë
Drithërat e paketuara shpesh përmbajnë një pjesë përbërësish që nuk e dimë se ç’janë dhe shumë sheqerna të rafinuar, kështu që nëse koha e lejon, mund të jetë me të vërtetë e këndshme t’i përgatisni vetë në shtëpi. Përdorni miell gruri të plotë dhe vaj kokosi në vend të gjalpit.
Granola me bajame, vaj kokosi dhe mjaltë
Me vetëm një pjesë të vogël të përbërësve dhe një metodë super të thjeshtë, ju mund të përgatisni vetë në shtëpi “granola”-t me fruta të thatë. Përdorni fruta të thata sipas shijes së fëmijëve tuaj, shtojini copa të vogla çokollate ose kakao. Hidhini sipër kos ose shijojini siç i shijoni drithërat në mëngjes.
Shufra arrash amerikane
Edhe pse nuk është një vakt i plotë është shumë mirë të konsumohet në mëngjes. Receta ka vetëm tre përbërës të thjeshtë (arra amerikane, bajame, hurma Arabie) dhe duket më shumë sikur ha një biskotë se sa një mëngjes me proteina.
Reçel me luleshtrydhe dhe fara çia
Një recetë e përkryer që nuk bën as rrëmujë dhe nuk ka nevojë për gatim. Ju thjesht përzieni së bashku luleshtrydhet e shtypura, farat e çias dhe disa përbërës të tjerë derisa të ntrashen dhe të krijojnë reçelin me pak sheqer, që fëmijët do ta duan ta hanë me kos ose të lyejnë me të tostën për mëngjes.
Lëng i trashë me boronica dhe avokado
Lëngjet e trasha (smoothie) janë një mënyrë e mirë përmes së cilës mund t’i bëni fëmijët të hanë fruta, kos apo dhe boronica e jo vetëm. Ky lëng frutash ka shumë vlera ushqyese pasi përmban avokado që ka yndyrna të shëndetshme, kosin, që ka kalcium dhe boronicat blu, që veç të tjerave kanë shumë antioksidantë. Mund të shtoni edhe tërshërë.
Kifle vegane me boronica
Edhe pse mund të mos jeni veganë, ky kek i mbushur është shumë i shijshëm dhe i lehtë, sa do t’iu bëjë ta dashuroni. Në përbërjen e tyre kanë edhe avokado, shijen e të cilit nuk do ta ndieni. Në vend të boronicave për këtë kek mund të përdorni edhe luleshtrydhe ose mjed
