Në rrugën “Fazli Grajqevci”, apo siç njihet rruga që të dërgon tek ndërtesa e Qeverisë së Kosovës, me shenjë të komunikacionit është i ndaluar trafiku në të dyja kahet për automjetet që nuk janë zyrtare, shkruan OnAir.
Por, rëndom aty kalojnë edhe automjete të tjera, e që në disa raste Polica e Kosovës ka shqiptuar dënime për ata që nuk e kanë respektuar këtë ndalesë.
Mirëpo, një qytetarë është ankuar se Policia e Kosovës, nuk po e zbaton ligjin njësojë për të gjithë, shkruan OnAir.
“Vetëm mua më shqiptuan dënim, aty ishin edhe disa vetura të tjera që kalonin, kishte edhe vetura të parkuara dhe për ato asgjë. Ato nuk ishin vetura zyrtare. Policia më dënoi vetëm mua në mënyrë selektive”, ka thënë ai, i cili person nuk ka dashur të bëhet publik emri i tij.
Ndaj këtyre pretendimeve të këtij qytetari, Policia e Kosovës thotë se si institucion i zbatimit të ligjit, të gjitha veprimet e saja i ndërmerr konform autorizimeve ligjore.
Kritika për vendosjen e shenjës ka edhe njohësi Visar Baxhuku , i cili thotë se ajo duhet të vendoset në një vend më të dukshëm dhe duhet të plotësohet.
Ndër të tjera ai ka thënë se duhet të ketë një orar të caktuar që qytetarët të mund të kenë qarkullim në atë pjesë të rrugës./OnAir
