Në 11-vjetorin e Kushtetutës së Kosovës, Lëvizja Vetëvendosje ka akuzuar pushtetarët se e kanë shkelur aktin më të lartë juridik dhe asnjëherë nuk kanë dhënë përgjegjësi për këtë.
Deputetja e Lëvizjes Vetëvendosje, Albulena Haxhiu ka thënë se sistemi i drejtësisë në Kosovë ka dështuar dhe pushtetarët kanë plane që të gjitha privilegjet që dalin nga pushteti publik t’i privatizojnë për vete.
Haxhiu ka theksuar se Kosova ka nevojë për një Kushtetutë që është shprehje e vullnetit të popullit, por jo për ndryshime të cilat do ta dëmtonin Kosovën dhe qytetarët.
Kujtojmë që 9 prilli shënohet si Dita e Kushtetutës së Kosovës, dokument ky i cili e definon Kosovën si një shtet me pikëpamje neutrale ndaj fesë. Ajo ka 14 kapituj dhe 162 nene./OnAir
